Հայոց ցեղասպանության 107-րդ տարելիցի ոգեկոչում Փարիզի փաստաբանների դպրոցում

22 ապրիլի, 2022

Ապրիլի 22-ին Ֆրանսիայում Հայաստանի Հանրապետության դեսպան Հասմիկ Տոլմաջյանը, Փարիզի փաստաբանական դպրոցի և Փարիզի փաստաբանների միության նախագահ Ժյուլի Կուտյուրիեի հրավերով, մասնակցեց Փարիզի փաստաբանական դպրոցում Հայոց ցեղասպանության 107-րդ տարելիցի ոգեկոչման միջոցառմանը` նվիրված Օսմանյան Կայսրությունում 1915թ. ապրիլի 24-ին զանգվածային սպանությունների զոհ դարձած հայ փաստաբանների և մտավորականների հիշատակին, որով սկիզբ դրվեց Հայերի ցեղասպանությանը:

Դեսպան Հասմիկ Տոլմաջյանը, Փարիզի փաստաբանական դպրոցի և Փարիզի փաստաբանների միության նախագահ Ժյուլի Կուտյուրիեն, Փարիզի փաստաբանների միության փոխնախագահ, ծագումով հայ Վենսան Նիորեն, Ֆրանսահայ փաստաբանների ասոցիացիայի նախագահ Ժան-Վազգեն Ալիանակյանը ծաղիկներ խոնարհեցին 2017 թվականին Փարիզի փաստաբանական դպրոցում բացված Հայոց ցեղասպանության հիշատակը հավերժացնող Գրիգոր Զոհրաբի անվան հուշատախտակի առջև, լռության րոպեից հետո հանդես եկան ելույթներով:

Դեսպան Տոլմաջյանը շնորհակալություն հայտնեց Փարիզի փաստաբանական դպրոցին և Փարիզի փաստաբանների միությանը Հայոց ցեղասպանության հիշատակի հանդեպ հավատարիմ հանձնառության և ժխտողականության դեմ սկզբունքային պայքարի, մարդու իրավունքների պաշտպանության ու վաղեմության ժամկետ չունեցող մարդկության դեմ հանցագործությունների դատապարտմանը հետամուտ լինելու համար, որի մասին լավագույնս է վկայում Փարիզի փաստաբանական դպրոցի ամենատեսանելի հատվածում տեղադրված հայ նշանավոր գրող, փաստաբան և քաղաքագետ Գրիգոր Զոհրաբի հուշատախտակը:

Միջոցառմանը մասնակցում էին ականավոր փաստաբաններ, այդ թվում՝ բազմաթիվ ֆրանսահայ իրավաբաններ, քաղաքական և հասարակական գործիչներ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր